ماني من اللي لا اغتنى عنك خلاك

لا بالله إلا عنـد مثلـك وشـرواك
ياللي تساوي من عددهـم ملاييـن

ياحبي اللي محجر العيـن مربـاك
والعمر كله لك ريـاض وبساتيـن

ان جار وقتك حطني صوب يمناك
وان بار وقتي صوبهـم لا ترديـن

ارض مشيتيها معي باست اخطاك
وارض سلكتيها لوحدك تضيعيـن

نجمك سطع والكل قـام ايتحـداك
بالمكر سنّو لـك نضـام وقوانيـن

محشومة بالعز والشر مـا جـاك
هذي ضرايـب للتفـوّق وتثميـن

انا الصديق اللي ليا طحت يفـداك
بالروح والقلـب الوفـي للمحبيـن

ماني من اللي لا اغتنى عنك خلاك
حتى لو اغروني بنات السلاطيـن

ماني خويك في السعـه وآتمنـاك
عزوتك انا في حزة العسر والليـن

خذني عصا موسى رفيق ٍلممشـاك
وافلق بها بحر القلـوب المغابيـن

بالك يجي في يوم قلبـي بينسـاك
ولا اتخلا عنـك وانتـي تعانيـن

ما اقول لك ياعـم فـارق ببلـواك
مثل الذي يفرح بموت المصابيـن

على خيوط السالفه طـاب معنـاك
ارجم بها العاقل تهابـك مجانيـن

انا عمـى عيـن تحـاول تجنـاك
بحدب الخناجر والقنا والسكاكيـن

الليل لو يضلم على وقت مسـراك
ترسمني الضلما لك انوار ساريـن

ياللي تباشير السعـد فـي محيـاك
ياورد ريحـه منتشـر بالشراييـن

اشربك مره وانزفك وارجع اضماك
واثر الغلا ما يرتوي عشق ضامين

يا غيمة شربي على صدرها مـاك
وبروقها ورعودها حـب غاليـن

هلي مزونك بأرض قلب ٍ تمنـاك
مجدب وتلعب به رياح الخماسيـن

انتي سواد النون والجفـن غطّـاك
والقلب لك واحات حـب ومياديـن

العشق ما لومه ابـد لـو تغنـاك
وشلون لو قمتـي بجنبـه تغنيـن

فلّ الجديل اللي على المتن يغشاك
واصل لردفك مثل سود الثعابيـن

مقدر على وصف البواقي لعينـاك
واقرا عليك الحرز من صدر ياسين

يالله يـارب المخاليـق برضـاك
تحفض حبيبي من عيون الشياطين

زائر

مشكور ع القصيده

العفوو واشكرك ع الرد

» عد للخمسه وكهرب اللي تبي من الاعضاء
» الطعنه اللي من ورى الظهر تنهيك
» اللي يبي يوسع صدرة يقرأ